DAVAO CITY – Balhug karun sa presohan ang pipila ka mga indibidwal kinsa susama nga nasikop sa otoridad sa managlahi nga operasyon human nga nalambigit sa ginadili nga druga.
Kahinumduman nga una ng nasikop sa mga sakop sa Mandug Police Station sa Barangay Indangan ang driver nga si alyas Jemuel, 28-anyos ug residente sa Deca Homes, Barangay Indangan ingon man ang usa ka alyas Dave, 21-anyos residente sa taga-Brgy. Kaputian, Island Garden City of Samal.
Narekober gikan sa mga nahisgutan ang gikatahapan nga shabu nga kantidad sa P9,000, upat ka mga cellphone ug motorsiklo.
Sa pikas nga bahin, nasikop usab sa mga personahe sa Toril Police Station ang usa ka alyas “ELI”,34-anyos, mekaniko, residente sa Brgy. Crossing Bayabas, Toril ning syudad human nga napalitan kini sa nagpaka-arun ingnon nga pulis ug usa ka pakete sa shabu ug pipila pa ka mga indibidwal nga nailang sila si alyas Ronnie, 21-anyos, Jhen, 24-anyos, ug alyas Michael, 33-anyos nga susama nga residente sa Barangay Crossing Bayabas, Toril nga na-atlan sa otoridad nga nag-pot session.
Susama karun nga gipangpaslak sa presohan ang mga dinakpan ug gi-andam na ang kasong paglapas sa Republic Act 9165 kun Comprehensive Dangerous Drugs Act of 2002.
