DAVAO CITY – Gidayeg ni Armed Forces of the Philippines (AFP) Chief of Staff General Andres C. Centino ang Eastern Mindanao Command (EastMinCom) alang sa sunod-sunod nga mga kalampusan batok sa Communist Party of the Philippines-New People’s Army (NPA).
Tipik lamang ang pahayag sa opisyal human ang pagbisita niini sa EastMinCom Headquarters sa Naval Station Felix Apolinario, Panacan ning dakbayan.
Ang pagbisita sa opisyal sa siyudad tipik lamang sa pag-adto niini isa ground units sa eastmincom partikular na ang pag-deploy sa mga hilit nga lugar arun nga subayon ang ilang sitwasyon ug mga panginahanglanon.
Samtang una na sab nga gi-award ni Centino ang campaign streamer awards sa ground units sa EastMinCom human ang nahimong kalampusan niini sa pagbungkag sa mga nagkadaiyang communist terrorists group (CTG) units sa ilang nagkadaiyang areas of operations kaniadtong 2022.
Pipila sa mga unit nga una ng nakadawat ug pasidungog ang gilangkuban sa mga tropa sa 403rd Brigade, 8th Infantry Battalion (IB), ug 88IB human nga ilang nabungkag ang Guerilla Front (GF) Malayag ug GF89 sa North Central Mindanao Regional Committee; 1002nd Brigade ug 39IB alang sa pagbungkag sa GF Alip sa Far South Mindanao Region; ug 1003rd Brigade, ingon man 56IB alang sa pagtapos sa Sub-Regional Guerilla Unit (SRGU) sa Sub-Regional Committee 5, Southern Mindanao Regional Committee.
Gipadunggan sab si Lieutenant General Greg T. Almerol, EastMinCom chief, human ang iyang supervision arun nga masolusyonan ang suliran sa insurhensiya sa area.
Ilalom sa direktiba sa opisyal, mikabat sa 10 Guerilla Front ang nabungkag, unit sa Pulang Bagani Command, SRGU, ug SRC human ang sunod-sunod nga focused military operations ug developmental efforts pinaagi sa National Task Force to End Local Communist Armed Conflict (NTF-ELCAC) ug local government units.
