DAVAO CITY – Walay natalang dagkung mga insidente ang mga kapulisan sa Davao region atol sa paghinumdom sa Huwebes ug Biyernes Santo ingon man sa Sabado de Gloria.
Kahinumduman nga hugtanon ang gipatuman nga seguridad sa mga aktibidad sa Semana Santa diin makita ang ilang presensiya sa mga nagkadaiyang simbahan sa siyudad.
Una ng gibutyag sa Police Region Office (PRO)-11 nga mikabat sa 1,300 ka mga kapulisan ang gipakatag sa rehiyon sa mga lugar diin adunay sa tibuok semana santa nga mga aktibidad kini arun masiguro ang kaluwasan sa mga tumotoo.
Subay sa assessment sa otoridad, hapsay nga gipahigayon ang mga saktos nga misa, station of the cross, Visita Iglesia ingon man ang Santo Entiero sa Sabado de Gloria.
Samtang nagpadayon ang hugtanon nga seguridad sa kapulisan dungan sa gipahigayon nga Easter mass o pasko sa pagkabanhaw ni Hesukristo karung adlawa diin laoman nga mas daghanan pa ang mutambong sa santos nga misa sa mga nagkadaiyang simbahan sa katoliko dinhi sa dakbayan.
