DAVAO CITY – Mikabat na sa 925 ka mga city traffic personnel ang ipakatag sa 16 ka mga simbahan sa dakbayan sa Davao alang karung semana santa.
Sumala pa kang Davao City Transport and Traffic Management Office head Dionesio Abude, aduna sumala pay 16 ka mga simbahan ang ilang gi-identify nga magpahigayon ug aktibidad karung semana santa hinungdan nga gipangandaman sab nila ang ilang deployment plan.
Anaa sumala pa sa 925 nila ka mga personahe ang ilang tungaon sa 49 ka mga personahe sa San Pablo Parish, 84 sa San Pedro Cathedral, 77 sa Shrine of the Holy Infant Jesus of Prague, ug 52 sa St. Jude Thaddeus Parish, 50 sa Sta. Ana Parish, 73 sa Redemptorist Church, 59 sa Sacred Heart of Jesus, 51 sa Our Lady of Fatima Parish, 56 sa St. Francis of Assisi, 51 sa Ascension of the Lord Parish Davao, 48 sa Our Lady of Lourdes Parish sa Bangkal, 48 sa San Antonio de Padua sa Agdao, 48 sa Carmelite Monastery, 63 sa St. Joseph the Worker Parish, ingon man 42 sa San Lorenzo Ruiz Parish Church sa Talomo.
Ipakatag ang nahisgutan nga personahe sa CTTMO personnel arun maoy modumala sa traffic situation taliwala sa mga religious activities karung semana santa sama sa Via Crucis o Stations of the Cross, Visita Iglesia ug uban pang mga religious, traditional processions.
Gawas sa pagpakatag sa mga traffic personnel sa mga nag-unang simbahan sa dakbayan, gikanayon sab ni Abude nga bantayan sab sa pipila nila ka mga personahe ang uban pang mga aktibidad sa simbahan sa Huwebes santos, biyernes santo hangtud pa sa pasko sa pagkabanhaw.
Samtang una na sab nga gibutyag s anahisgutan nga wala silay ipatuman nga road closure gawas lamang sa San Pedro Cathedral alang sa sugat o Easter Sunday.
Gitambagan na lamang sa opisyal ang publiko ingon man mga motorista nga kinahanglan considerate kini sa mga Holy Week activities ilabi na sa prusisyon ug Stations of the Cross ilabi na nga pipila ka ruta ang subayon niini sa siyudad.
