DAVAO CITY – Dakpan kagahapon sa hapon ang usa ka Wanted Person human nga gipatuman sa mga sakop sa kapulisan ang warrant of arrest batok sa usa ka 36 anyos nga lalaki.
Naila lamang ang dinakpan nga si Alyas “ray”, 36 anyos, minyo, laborer, non-government beneficiary ug residente sa Purok 7, Poblacion, Compostela, Davao de Oro kinsa gipaslak karun sa Santo Tomas Detention Facility.
Gitunol kaniya ang warrant of arrest nga giisyu ni HON. DAX GONZAGA XENOS – Presiding Judge sa 11th Judicial Region, Regional Trial Court, Branch 34, Panabo City, Davao del Norte gumikan sa krimen nga iyang nahimo partikular na ang lima ka ihap sa kasong paglapas sa R.A 7610 ug upat ka ihap sa kasong STATUTORY RAPE nga adunay petsa nga Nobyembre 13, 2018 ug walay girekomenda nga piyansa alang sa iyang temporaryo nga kagawasan.
