DAVAO CITY – Dakpan ang pipila ka mga indibidwal human nga naatlan kini sa kapulisan nga nagdula ug billiard nga adunay pusta nga kuwarta.
Dakpan sa mga personahe sa San Isidro Davao Del Norte ang mga nagdula nga sila si Alyas Ton og Alyas Jun sa Purok 1-A Brgy. Igangon, Municipalidad sa San Isidro Davao Del Norte.
Samtang usa ka indibidwal nga wala mailhi ang nakasibat atol usab sa operasyon.
Susama nga gipaslak sa presohan ang mga dinakpan ug mag-atubang ug kasong paglapas sa PD1602 o Illegal nga Pagsugal.
Anaa sab sa kustodiya karon sa PNP San Isidro ang mga narekober nga mga ebidensiya.
Nanawagan sab ang San Isidro PNP ngadto sa publiko nga padayon lamang nga makiglambigit ngadto kanila kung adunay mga indibidwal nga malapason sa balaud kini pinaagi sa pag-text o pagtawag sa 09109869078.
Laraw karon sa mga kapulisan sa lalawigan nga hingpit ng tapuson ang pagkuyanap sa mga illegal nga aktibidades sama sa sugal.
