DAVAO CITY – Subling nanawagan si Cluster head Alfredo Baloran ngadto sa publiko nga kinahanglan pa gihapon ang facemask ilabi na sa higayon nga mulakaw.
Kahinumduman nga kinatibuk-ang 2,168 na ka mga indibidwal ang nakamulta human nga wala nagsuot ug facemask samtang anaa sa pampublikong lugar.
Gikanayon sab ni Baloran nga dili moundang ang ilang mga sakop nga mu-isyu ug citation ticket sa mga dili mutamod sa Davao City Ordinance No. 0307-20 o ang mandatory wearing of face masks.
Pipila sab sumala pa sa nahisgutan nga ihap ang nasikop sa mga personahe sa City Transport and Traffic Management Office (CTTMO) samtang anaa sulod sa public utility vehicles.
Gipasabot sa opisyal nga bisan anaa na sa alert level 1 ang dakbayan, mandato pa gihapon ang pagsuot ug facemask bisan pa man ug anaa sa public o private gatherings gawas lamang kung mukaon ug muinom.
Ang mga madakpan nga wala nagsuot ug facemask mamahimong makabayad ug PHP500 alang sa first offense; PHP2,000 sa second offense; PHP5,000 o one-month imprisonment alang sa third offense.
