DAVAO CITY – Nakakumpiska na matud pa ang kapulisan sa Davao region ug P20 million nga kantidad sa illegal nga druga sukad kaniadtong Enero niining tuig kasamtangan subay sa datus gikan sa Police Regional Office sa Region 11 (PRO-11).
Ang nahisgutan nga kantidad ang gikan sa 2,049 grams nga shabu ug 9,625 grams sa marijuana nga nakumpiska sa gipahigayong 658 anti-drug operations sukad Enero hangtud Marso niining kasamtangan nga tuig.
Anaa sab sa 738 ka mga suspetsado ang nasikop sa nahisgutan nga operasyon. Una ng nagpagula ang PRO-11 ug pahimangno nga hugtanon ang paggukod sa mga kapulisan nsa rehiyon sa mga tawo nga nalambigit sa illegal nga druga arun nga hingpit nga maangkon ang “drug-free community.”
Kahinumduman nga nakasikop na sab ang otoridad ug usa ka indibidwal nga plano magpayuhot ug illegal nga druga sa City jail.
Gikanayong usa ka 24 anyos ang nasikop subay sa CCTV footage diin gilabay niini ang illegal nga druga agi sa pader sa Davao City Jail.
Ang nahisgutan nga shabu nagkantidad ug PHP270,000. Una ng naila ang dinakpan nga si Abdullah Asakil. Dihang giimbestigahan ang nahisgutan gikanayon niini nga igo lamang siya gisugo nga ilabay ang illegal drugs, nga nakabalot sa itom nga black tape patabok sa pader sa City Jail.
Wala sumala pa siya nasayud nga ginadili nga druga ang unod niini ug gibayaran lamang siya ug P10,000 sa wala mailhi nga lalaki.
Apan dihang gipailalom kini sa drug test migula nga positibo sa paggamit ug ginadili nga druga si Asakil.
Nasayran sab sa record niini nga aduna kini kasong theft.
