DAVAO CITY – Sikop sa mga sakop sa Malalag Municipal Police Station ang usa ka 49 anyos nga lalaki nga dugay ng pinangita sa balaud.
Malampuson nga nasikop ang suspek atol sa gipahigayon nga Simultaneous Anti-Criminality Law Enforcement Operation (SACLEO).
Dala sa operatiba ang warrant of arrest dungan sa paglusad sa operasyon sa Christian Village, Tienda Aplaya, Digos City hinungdan nga malampuson nga nasikop ang suspek nga nailang si Ramon Libre Dellora, 49 anyos, usa ka Seaman ug residente sa Purok 1, Brgy. Bagumbayan, Malalag, Davao del Sur.
Nasikop ang nahisgutan pinasikad sa gahum sa Warrant of Arrest gumikan sa kasong Anti- Violence Against Women and Their Children Act of 2004 (RA 9262) nga gipagula ni Hon. Carfelita B. Cadiente-Flores , Presiding Judge, RTC, BR 61, Digos City nga adunay petsa nga Marso 2022.
Makagawas lamang sa presohan ang nahisgutan kung makaduso ug piyansa nga P72,000.00.
Dali nga gi-endorso ang nahisgutan sa Malalag Municipal Police Station alang sa documentation ug sa tukma nga disposisyon.
Naghulat na lamang karon ang dinakpan sa musunod nga kamandoan sa korte sa kaso nga iyang gi-atubang.
