DAVAO CITY – Arun masiguro ang kaluwasan sa katawhan karung panahon sa Summer gipahugtan karon sa Police Regional Office (PRO)-11 ang ilang mga lakang arun nga matutukan ang mga lugar nga sagad dagsaon sa mga tawo.
Una ng gilusad sa otoridad ang Oplan Summer Vacation arun makapahigayon ug monitoring sa publiko o mga turista nga muadtodinhi sa Davao region.
Una niini, gimandoan ni PRO 11 regional director Brig. Gen. Benjamin Silo Jr. ang mga kapulisan sa Provincial ug City Police Offices sa rehiyon arun masiguro nga mapatuman pag-ayo ang seguridad sa mga tourist attractions nga laumang dagsaon sa mga turista karung panahon sa bakasyon.
Partikular sumala pa nga ipakatag ang mga sakop sa kapulisan sa mga strategic areas diin sagad mao kini ang target sa mga adunay dautan nga plano.
