DAVAO CITY – Nagpadayon pa gihapon karon ang anti-insurgency campaign sa dakbayan aron nga makaangkon sab ug positibo nga resulta human ang ulahing pagkabungkag sa 1003rd Infantry (Raptor) Brigade sa Philippine Army sa duruha ka local guerilla units sa kumunistang grupo nga nag-operate sa siyudad.
Kahinumduman nga ang nahisgutan nga insurgent groups ang gilangkuban sa Guerilla Front (GF) 55, Sub-Regional Guerilla Unit, ug Sub-Regional Committee 5, Southern Mindanao Regional Command.
Una na sab nga gidayeg ni Davao City Acting Mayor Sebastian “Baste” Duterte ang kasundalohan sa pagbungkag sa insurgency groups.
Kahinumduman nga una ng gibutyag ni Baste nga laraw niini nga amyendahan ang anti-discrimination ordinance sa dakbayan kini arun nga matabangan sab ang mga kanhi rebelde nga mibalik na sa sabakan sa kagamhan ug buot nga magsugod sa ilang bag-ong kinabuhi.
Ipadayon sab sumala pa sa lokal nga kagamhanan ang gipahigayon nga peace-building efforts sa Paquibato District pinaagi sa Peace 911 program.
Kahinumduman nga ang nahisgutan nga dapit sa siyudad ang kanhi gikotahan sa mga rebeldeng grupo.
