DAVAO CITY – Diretso gipaslak sa presohan ang usa ka 42 anyos nga lalaki nga nasikop sa gilusad nga man hunt operation sa otoridad gumikan sa kasong murder nga gi-atubang niini.
Gipangunahan sa Nabunturan Municipal Station ang operasyon sa Puork 1, Barangay Linda, Nabunturan kagahapon nga maoy hinungdan sa suspek nga si Isaac Cabiltes Asoy, 45 anyos, residente sa Purok 3, Barangay San Roque ug gikonsidera nga Top 1 Most Wanted Person sa lugar.
Wala na mipalag ang nahisgutan dihang gitunol kaniya sa otoridad ang Warrant of Arrest.
Anaa kini karun sa kustodiya sa kapulisan sa Nabunturan ug naghulat na lamang kini kung kanus-a dunggon ang kaso batok kaniya.
Nanawagan karun ug koordinasyon sa publiko ang Davao de Oro Police Provincial Office nga kung adunay kasayuran sa mga tawo nga pinangita sa otoridad makiglambigit gilayon kini sa pinakaduol nga opisina sa kapulisan.
