DAVAO CITY – Gisubay na karun sa mga sakop sa kapulisan ang kuha sa CCTV footage arun nga masubay pag-ayo ang hulagway sa suspek nga misulay pagpusil sa usa ka security guard sa Central Warehouse Tagum kagahapon sa hapon.
Sumala sa security guard nga si Lito Abalos sa Supremo Security Agency nga samtang anaa siya sa iyang duty kalit na lamang siya nga giduol sa warehouse sa usa ka armado nga lalaki ug gipusil apan suwerte lamang kay nakadagan siya ug wala ma-antimano.
Narekober sulod sa nahisgutan nga establisyemento ang usa ka balinis nga iya sa 9mm pistol.
Sa ulahing imbestigasyon sa otoridad, wala sumala pay naangol nga mga kustomer human ang nahisgutan nga insidente.
Wala sab gibutyag sa security guard kung unsa ang motibo sa suspek sa pagpusil ngadto kaniya ug dili sab mabutyag sa nahisgutan kung adunay plano nga manulis ang suspetsado kinsa paspas sab nga misibat human ang insidente.
Tanan sumala pa nga anggulo sa CCTV ang subayon sa otoridad alang sa hinanali nga pag-ila sa suspetsado.
