DAVAO CITY – Walay puas ang operasyon sa mga sakop sa kapulisan arun nga gukdon kadtong mga nalambigit sa ginadili nga druga.
Una ng nasikop sa gilusad nga drug buy bust operation sa mga personahe sa Toril PNP ang duruha ka mga suspek nga namaligya ug ginadili nga druga.
Naila ang mga dinakpan nga sila si DOMINADOR LAGUNA COLONG alyas DOMENG 55 anyos, driver, ug residente sa Saint Luke Street, Brgy. Crossing Bayabas Toril ning dakbayan ug usa ka Edner JR ASUMBRADO RAGADI, 33 anyos, driver ug residente sa Puan, Brgy. Talomo, Toril ning siyudad.
Gikanayong nanagkunsabo ang mga nahisgutan sa pagpamaligya ug ginadili nga druga ug nasikop sa Purok-12, Saint Luke Street, Brgy. Crossing Bayabas Toril ning dakbayan human nga usa ka pulis ang nagpaka-arun ingnon ug buyer ug illegal drugs bugti sa gi-andam nga buy-bust money, usa ka P500.
Narekober sa mga dinakpan ang mga nagkadaiyang gidak-on sa illegal nga druga, salapi, usa ka pula nga jewelry box , ug usa ka itom nga cellphone.
Ang pagkasikop sa mga suspek makatabang arun nga hingpit na nga matapos ang sirkulasyon sa illegal nga druga sa Brgy. Crossing Bayabas Toril, ning siyudad ug sa mga kasikbit nga lugar.
Giila sumala pa ang suspek nga street level target. Gibana-banaang adunay street market value ang mga drug items ug kapin kun kulang Php15, 000.00 ug DDB nga Php5,000.00.
Temporaryo nga gibalhug sa nahisgutan nga buhatan ang mga dinakpan ug gi-andam na ang mga dokumento alang sa iduso nga kaso kini pinaagi sa summary inquest proceedings.
