DAVAO CITY – Patay ang usa ka mag-uuma human pusila sa grupo sa mga badidong blaan pasado alas 4:00 ang takna sa kahaponon kagahapong adlawa.
Naila ang biktima nga usa ka Letes Tasa, 32 anyos ang pangidaron, menyo, mag-uuma, residednte sa Sitio Bantong, Barangay Kimlawis, Kiblawan, Davao del Sur.
Nasayran sa gilusad nga imbestigasyon sa kapolisan nga ang nahisgutan nga biktima pauli na ngadto sa iyang pinoy-anan sa Sitio Bantong gikan nga namalit sa iyang panginahanglanon sa iyang panimalay sa Barangay Proper sa lungsod sa Kiblawan apan samtang kabaktas pauli sa ilang pinoy-anan paghi-abot sa sapa nga bahin o Mal River, mga kinyentos metros ang gilay-on gikan sa Kimlawis Proper gipusil ang biktima sa grupo sa mga B’laan hinongdan nga nakahi-agum ug samad pinosilan sa iyang ulo ug dughan nga bahin ang nahisgutan nga biktima hinongdan nga dali nga nakabsan sa kinabuhi.
Gigamit sa mga bandedo ang twelve guage shot gun.
Human sa pagpamusil ang grupo sa mga B’laan dali nga miikyas gikan sa dapit, samtang ang biktima nagbuy-od sa karsada nga bahin nga wala na’y kinabuhi.
Human masayud sa panghitabo ang kapolisan sa Kiblawan mihimo sab dayon ug dugang imbestigasyon, apan wala dayon maila ang grupo sa mga bandido nga mihimo sa krimin.
Gituohan nga ang nahisgutan nga krimin resulta sa pangayaw nga nasinati-an sa nahisgutan nga dapit.
