BFP Davao Director pulihan ang mga tapulan nga mga fire inspectors

DAVAO CITY – Nagbahad ang Bureau of Fire Protection Eleven Director Fred Trajeras nga iyang pulihan ang mga non-performing fire inspectors sa ilang buhatan.

Nasuko ang BFP Eleven Director human masayri nga halos katunga pa gihapon sa kinatibuk-ang mga balay pamatigayon sa rehiyon unse ang ilang nasusi.

Una nang gimando sa Bureau of Fire Protection Eleven Director nga mas pahugtan pa ang fire safety inspection sa mga business establishment dinhi sa rehiyon unse.

Kini aron nga kalikayan nga masubli ang sunog nga sama sa haitabo sa NCCC mall nga nakakalas 38 ka mga kinabuhi.

Sumala pa kang Fire Senior Supt. Fred Trajeras, Jr. kinahanglan nga mahimo sa fire safety inspectors ang ilang mga trabaho aron nga dili mailisan.