Gihikay na ang kaso batok sa guardya nga nagsideline pagpamaligya ug druga

DAVAO CITY – Gihikay na ang kaso batok ngadto sa usa ka guardya sa Public Market nga usa ka Harold Estores Rojero, alyas Harold, baynte sais anyos, residente sa Kilometer 76, Linoan, Montevista nga nadakpan sa mga sakop sa Sasa Police Station nga milusad ug drug buy bust operation.

Alas sais kagabii sa dihang napalitan ang dinakpan ug pinataas nga transparent nga plastic sachet nga naundan sa gikatuohang shabu nga mibalor ngadto sa usa ka libo ka pesos.

Nasakmit sab gikan kaniya ang duha ka mga pinataas nga transparent plastic sachet sa shabu.

Nasayran gikan kang PCI Ruben Revira, nga gikan pa sa dakbayan sa Tagum ang supply sa dinakpan.

Nangatarungan si Rojero nga bag-o pa lamang siya namaligya ug illegqal nga druga.