DAVAO CITY – Subling nagpahimangno ang kabomberohan ngadto sa mga residente sa dakbyan sa Davao nga dili mokompyansaug segurohon nga luwas ang electrical wiring sa ilang kabalayan.
Kini human nga tulo na sab ka mga balay ang naugdaw sa sunog nga resulta sa electrical short cicuit sa Purok 2, Barangay Lubogan, Toril, ning dakbayan sa Davao kagahapon sa kaadlawon.
Misugod pagsilaob ang sunog sa pinoy-anan sa usa ka Tito Dayap.
Gama lamang sa kahoy ug cogon ang nahisgutan nga pinoy-anan hinongdan nga paspas nga gilamoy sa kalayo ang nahisgutan nga balay ug napagan ang duha pa ka mga balay sa iyang mga silingan.
Gibana-banan nga mokabat ngadto sa usa ka gatus ka libo ka pesos ang namugna nga danyos sa nahisgvutan nga sunog nga miulbo pasado alas 3:45 sa kaadlawon.
Alas 4:15 na sa kaadlawon napalong ang nahisgutan nga sunog. Gikompirma ni Fire Officer 1 Janette Andal nga totally damage ang tulo ka mga balay, samtang usa ka tindahan ang partially damage sa nahisgutan nga sunog.
