DAVAO CITY – Mas gipakusgan sa Police Regional Office (PRO) 11 ang kampanya niini aron nga batukan ang riding in tandem criminal ug pagtaas sa ihap sa mga kawat sa mga motorsiklo.
Sumala pa kang Police Region al Office Eleven Director Chief Supt. Manuel Gaerlan ang Oplan Motorcycle Clean Driver gisugdan na sa PNP National Headquarters sa Camp Crame ug laraw ipatuman sa matag Provincial, City ug Municipal Police Station.
Gidugang sab ni Director Gaerlan nga ang matag lokal nga kapolisan mao ang gitugotan nga momonitor sa talaan sa mga nanag-iya ug mga motorsiklo sa ilang area of responsibility.
Mopakita lamang ug PR ug CR sa ilang mga motor ang mga tag-iya ayha sila mahatagan ug sticker sa PNP Green rider.
Karong Biernes himoon na sab sa Davao City Police Office ang official kick-off ceremony alang sa Oplan Clear Rider Program sa DCPO ug mismong si DCPO Director Police Senior Supt. Alexander Tagum ang manguna niini.
