DAVAO CITY – Nagbahad ang Regional Director Bureau of Fire Protection (BFP) eleven nga dili niini ikonsente ang iyang mga sakop nga nahilambigit sa pagpangilkil.
Kini ang nahimong tubag ni Fire Senior Supt. Fred Trajeras, Jr., Regional Director sa BFP Davao.
Kini human sa mga reklamo nga dunay mga sakop sa BFP Eleven nga mi-endorso ug smoke detector atol sa gihimo niini nga inspection sa mga fire extinguisher sa mga establisamento sa dakbayan.
Gi-awhag ni Director Trajeras ang mga mi-reklamo nga kuha-on ang pangalan sa mga nangilkil nga mga sakop sa BFP ug i-report sa iyang buhatan aron nga ka-imbestigahan.
Gipuno pa ni Trajeras nga matawag lamang nga lehitimo ang operasyon sa BFP kung duna kini’y ikapakita nga inspection order.
Gimandu-an sab ni Trajeras ang City Fire Marshal nga imbestigahan ang nahisgutan nga reklamo.
