DAVAO CITY – Mikabat ngadto sa 241 ka mga kanhi rebelde ang nahatagan sa Task Force “Balik Loob” sa Enhance Comprehensive Localized Integration Program (E-CLIP).
Ang nahisgutan nga mga rebelde milanggkob sa unang batch sa benepesyaryo sa seremonya niadtong Hulyo 11, 2018, ug Provincial Happy Home sa Davao Oriental sa Don Martin Marundan, Mati City, Davao Oriental.
Ang E-CLIP nga gipatuman ubos sa Task Force “Balik Loob,” nga gipangunahan ni Undersecretary Reynaldo Mapagu sa Department of National Defense, offshoot sa Administrative Order Number 10 nga gilagda-an ni President Rodrigo Duterte niadtong April 10, 2018, nga mitigum sa Comprehensive Localized Integration Program sa DILG ug ang programa sa interventions sa nagkada-iya nga ahensya sa mga kanhi rebelde aron sa pag-andam kanila nga ma-integrate sa mainstream society.
Ang E-CLIP usa ka pilot project sa 701st Infantry Brigade ubos kang Brigadier General Reuben Basiao pinaagi sa pag-converge sa gipatuman nga programa sa Provincial Government sa Davao Oriental pinagi sa ilang Happy Home, ug uban pa nga government interventions ngadto sa mga kanhi rebelde kinsa mi-surender ngadto sa iyang subordinate units.
