DAVAO CITY – Nagbahad ang Philippine Drug Enforcement Agency (PDEA) eleven nga mas pakusgan pa ang ilang intelligence monitoring batok sa online transaction sa illegal nga druga.
Sumala pa kang PDEA Eleven Director Antonio Revira gawas sa buy bust operation gitotokan sab nila karon ang komunikasyon sa social media.
Kini gumikan sa pagkadakop sa usa ka desesiete anyos nga estudyante nga nakapalit ug marijuana pinaagi sa internet. Sumala pa kang Revira nga messenger o viber ang gamit karon sa mga namaligya online.
Una na kini nga na-uso ang online transaction sa illegal drugs didto sa kaulohan.
Samtang sumala pa kang Police Chief Inspector Ramil Macarampat, hepe sa San Pedro Police Station dili na maglisod ang ilang tropa sa pag-monitor online gumikan kay mogamit sab sila ug internet ug kini na ang ginatotokan karon sa kapolisan.
