DAVAO CITY – Gipagula na sa mga otoridad ang dash cam video diin makita ang actual nga pagpusil ug pagpatay sa journalist publisher nga si Dennis Denora sa dakbayan sa Panabo.
Subay sa video makita nga gitaparan ug duha ka mga armado nga naka-motor ang puti nga sakyanan ni Denora ug gipusil sa mga responsible ang biktima. Nasayran gikan kang Police Supt. Loue Padillo, public information officer sa Task Force Denora nakita sa video nga gisundan sa nakamotor ang sakyanan sa biktima nga timailhan nga gipanid-an na si Denora dihang didto pa lamang siya sa kapehan.
Sumala pa kang Atty. Noel Palma, Chairman sa Task Force Denora padayon ang ilang paningkamot nga maila ang nakamotor, labi na nga nakita kini nga nagpundo una sa usa ka Café shop.
Gawas sa dash cam nakita sab ang hulagway sa baynte singko ka mga tawo, diin kinse kanila ang nailhan na ug gituohan nga dunay kalabotan sa krimin.
