DAVAO CITY – Gihikay na ang kaso batok ngadto sa usa ka dinakpan sa buy bust operation sa San Pedro Police Station.
Naila ang dinakpan nga usa ka Ricardo Cahapay Merto, Jr., alyas Jun-Jun, baynte otso anyos, residente sa Leon Garcia, Agdao, ning dakbayan sa Davao, kinsa nasikop atol sa buy-bust operation sa kapolisan sa Gotamco St., sa nahisgutan nga barangay.
Ang dinakpan namaligya ug gikatahapan nga shabu ngadto sa nagpaka-aron ingnon nga buyer nga usa ka pulis bugti ang P500 ka pesos nga buy bust money, hinongdan nga dali kini nga gidakop sa mga tinugyanan sa balaod ug nakuha sa iyang posisyon ang lain pa nga pakete sa gikatahapan nga shabu.
Ang mga items nga nakuha gikan sa dinakpan gikustodiya na karon sa San Pedro Police Station, samtang ang suspek gibalhug na karon sa bilanggo-an ug mag-atubang ug kaso nga kalapasan sa Republic Act 9165 kon Comprehensive Dangerous Drug Act of 2002.
