DAVAO CITY – Malagmit nga makasohan si Davao City District Fire Martial Fire Supt. Emilio Langkay.
Si Langkay mao ang gipuli sa gitaktak nga si Fire Supt. Honee Fritz Alagano. Sumala kang Fire Senior Supt. Jerry Candido, tigpamaba sa Inter-agency Anti-arson Task Force (IATF) gumikan kini sa wala pagatiman ni Langkay nga maha-adto kanila ang mga dokumento labot sa fire safety Inspection Certificate sa NCCC mall ug sa SSI.
Sumala pa kang Candido nga dugay na sila nga nangayo sa nahisgutan nga mga dokumento, hinongdan nga sila na mismo ang miduaw sa opesina ni Langkay aron nga makuha kini, apan wala gihapon sila’y nakuha gumikan kay giingon nga nangawala na ang mga dokumento sukad pa niadtong 2003 hangtud sa 2017.
Girason ni Senior Fire Officer 2 Ramil Gillado, Deputy Chief sa Intel and Investigation section sa Bureau of Fire Protection Davao nga nangabasa ug nangalata ang mga gipangita nga mga dokumento gumikan sa tulo nga bahin sa atop.
Gumikan niini gimando-an sa BFP ang ilang admini officer nga subayon kung kinsa ang record custodian sa mga fire sukad niadtong 2003 hangtud 2017.
Nanganti si Candido nga mag-atubang ug duha ka mga kaso si District Fire Martial si Langkay nga lakipan sa Obstruction of Justice ug Infidility in the custody of documents kung padayon nga magdumili sa pagproduce sa mga dokumento nga mahinongdanon sa gilusad nga imbestigasyon.
Sa pagbanabana sa Inter-agency Anti-arson Task Force anaa na sa otsenta porsento ang completion sa ilang imbestigasyon apan naglisod kini sa pag-aginod gumikan sa mga nangawala nga mga dokumento.
