DAVAO CITY – Gituki sa Davao City Council ang Resolution Number 25 Series of 2017 sa Tugbok District may kalabotan lamang gihapon sa sulat ni Col. Lyndon Paniza, Group Commander sa 11th Community Defense Group sa Army Reserve Command nga nakabase sa nahisgutan nga dapit, ubos sa Barangay Mintal ug naga-awhag nga gamiton ang baynte ektaryas sa 204 ka ektaryas nga luna nga gi-grant sa UP Mindanao nga himoon nga military reservation area nga ihingalan kang Gov. Vicente Duterte.
Sumala sa Konseho dili makabout ang dakbayan sa Davao kung ugaling wala’y pagtugot gikan sa Pangulo sa nasod.
Kini ang hinongdan nga ilang gidebatihan kung unsa-on kini aron nga makaduso sila ug request ngadto sa buhatan sa presidente aron nga ilahang i-revised ang kasabotan tali sa kagamhanan ug sa UP Mindanao.
Gi-refer sab kini sa komitiba ni Councilor Bonifacio Militar aron nga mapadali ang proseso.
Sa kabahin ni Col. Paniza, gipahayag niya nga daku ang iyang kalipay kung mahatagan kini ug katumanan gumikan kay dugay-dugay nga naglihok ang Army Reserved Command apan kaugalingon nga luna.
