DAVAO CITY – Gihikay na ang kaso batok ngadto sa gikatahapan nga drug pusher nga nadakpan atol sa gilusad nga buy-bust-operation sa Lorenzo National High School sa Mandug, ning dakbayan sa Davao.
Naila ang dinakpan nga usa ka Joan Olar Pescadero, 37 anyos, driver, residente sa Purok Alimokon, Mandug, ning dakbayan sa Davao.
Nasayran nga pasado alas Otso ang takna kagabii ang dinakpan napalitan sa nagpaka-aron-ingnon nga buyer ug sachet sa shabu, bugti sa kinyentos ka pesos nga buy-bust money.
Kini ang nag-una nga hinongdan nga gidakop gilayon ang suspetsado ug gidala sa Buhangin Police Station. Nasakmit gikan sa posisyon sa dinakpan ang lnagkada-iya nga pakete sa shabu.
Ang mga item nga nasakmit gikan sa dinakpan gikustodiya na karon sa Buhangin PNP.
Kasong kalapasan sa Republic Act 9165 kon Comprehensive Dangerous Drug Act of 2002 ang dinakpan.
