DAVAO CITY – Gipanghimak sa military ang alegasyon sa militanteng grupo nga usa ka sakop sa Civilian Armed Forces Geographical Unit (Cafgu) ang mipaluyo sa pagpatay sa usa ka Lumad (Indigenous People) niining milabay nga adlaw inay liquidation unit matud pa sa New People’s Army ang mipaluyo sa krimen.
Hugtanong gipanghimakak ni 10th Infantry Division (ID) assistant division commander Brigadier General Datuin nga cafgu ang nakapusil patay kang Obillo Bay-ao gumikan kay base sa ilang gipahigayon nga imbestigasyon, anaa sa iyang duty ang gitudlong nakapatay sa biktima.
Una ng gibutyag ni Senior Superintendent Marcial Magistrado, director sa Davao Del Norte police, nagtikad lamang sa ilang luna si Bay-ao, 27, sa Sitio Dulian, Barangay Palma Gil, Talaingod, Davao del Norte dihang kalit na lamang nga mibutho ang suspek ug gipusil ang nahisgutan nga maoy hinungdan nga nadala kini sa Davao Regional Medical Center Tagum City apan paglabay sa pipila ka oras, nakabsan kini sa iyang kinabuhi.
Nagtuo ang otoridad nga ang mga suspek mga sakop sa lawless armed group (LAG) nga target ang mga miyembro sa Armed Forces of the Philippines (AFP), Philippine National Police (PNP), civilians ug ilang mga supporters sama ni Bay-ao nga paryente sa usa ka Cafgu.
