DAVAO CITY – Wala sumala pay kamatuoran ang migula nga report sa lokal nga panggamhanan sa Kapalong nga gibabagan ang team sa mga social workers nga nagpahigayon ug one-stop shop service sa komunidad sa lumad kaniadtong milabay nga semana.
Matud pa kang Kapalong Mayor Maria Theresa Timbol, gi-post pone lamang ang maong programa sa Department of Social Welfare and Development (DSWD) gumikan kay wala naka-secure ug Free and Prior Informed Consent (FPIC) nga usa ka rekisitos ayha hatagan ug access ang usa ka grupo nga magpatuman ug programa sa ancestral domains.
Gikanayong ang tanan nga mga programa ug proyekto alang sa IPs (indigenous people) kinahanglan sumala pa nga nahasubay sa ilang “collective agreement,” hinungdan nga kinahanglan adunay huptan nga FPIC ang mga buot nga mobisita sa ilang lugar.
Una na sab nga gipanghimakak ni Timbol nga wala gibabagan ang DSWD sa gikanayong mga Bagani nga usa ka “tribal warriors” nga gibansay aron nga motabang sa counter-insurgency campaign sa gobyerno.
Nasayran nga ang naka-schedule nga programa ang ikalima na nga one-stop shop service program sa DSWD central office sa Lumad communities Mindanao.
