DAVAO CITY – Pinangita na karon sa kapolisan ang mga suspek sa natigayon na pagpanglungkab ug pagpangawat sa siyam ka mga establisamento sa SM Mall sa Ecoland ning dakbayan sa Davao.
Nadiskobrehan na lamang ang krimin sa dihang nangabre ang mall ug nadiskobrehan ang pagpangawala sa saienta mil ka pesos nga kita sa upat ka mga establisamento.
Gipangguba sumala pa sa mga suspek ang tipiganan sa kita sa matag tindahan.
Sa imbestigasyon sa kapolisan nasayran nga sa kesame nga bahin mi-agi ang kawatan.
Gawas sa cash duna sa’y nangawala nga mga sapatos, furniture, digital camera, cellphone, .38 nga revolver ug unom ka mga bala.
Pipila ka mga stalls sab sa mall ang gisulod sa mga kawatan, apan naklaro sa imbentaryo nga wala nawala sa kita ug baligya niini.
Dunay na-recover nga usa ka pantaloon ug duda ka pliers, ug PhilHealth ID sa usa ka Abu Bakal Madidis.
Gisubay pa sa kapolisan ang identity ni Madidis, samtang ang mall management mihimo sab ug inhouse investigation, labot sa nahisgutan nga pagpang-lungkab.
