DAVAO CITY – Nagpadayon sumala pa ang pagpangita sa self-proclaimed Davao Death Squad (DDS) member nga si Edgar Matobato bisan nga nakita sumala pa kini sa Makati City, Metro Manila, sa milabay nga bulan.
Matud pa kang National Bureau of Investigation (NBI)-Southeastern Mindanao Director Arnold Rosales nga nakadawat sila ug report nga nakita si Matobato sa nahisgutan nga siyudad.
Sa kasamtangan, nagpadala na matud pa sila ug agents nga taga dakbayan ingon man sa ilang NBI Central office aron nga mosubay sa Makati ug i-verify ang reports apan wala sumala pa nakita si Matobato.
Una ng nagmugna ang NBI ug task group human nga nakadawat sila ug impormasyon nga nagtago-tago si Matobato sa Pangasinan, Eastern Visayas, ug bag-ohay lamang sa Makati apan wala pa gihapon kini igkita.
Kahinumduman nga nag-atubang ug daghanan kaso si Matobato apan gipasikop na kini sa otoridad human nga nagpagula ug kamanduan ang Panabo City Regional Trial Court (RTC) ug hold departure order aron nga taralon sa kasong kidnapping sa Turkish national nga Salik Makdum kaniadtong tuig 2002.
Una ng nakiglambigit ang NBA sa office of the senator alang sa gikinahanglan nga assistance aron pagsikop sa akusado apan nawad-an na matud pa sila ug interes niini.
