DAVAO CITY – Gibutyag sa Health team nga anaa sa 80 evacuation centers sa Marawi City ang mihangyo sa Department of Health Central Office nga mangandam alang sa psycho-social nga panginahanglanon sa pamilya sa mga sundalo, kapulisan ingon man sa mga bakwit.
Una ng gibutyag ni Abdullah Dumama Jr., Department of Health incident commander for Region XI, kinahanglan karon ug centralized documentation system ang mga bakwit nga anaa sa mga evacuation centers dili lamang ang ilang mga pangalan ug uban pang detalye kung dili lakip na ang ilang mental health psycho-social support (MHPSS) nga panginahanglanon.
Nasayran nga ang gobyerno ingon man mga private-run organizations ang mihatag karon ug MHPSS services sama sa dancing, zumba, film-showing, ug daghanan pa.
Samtang aron nga mas mapalambo pa ang health service deliveries, ang mga field teams mirekomenda nga kinahanglan imonitor sa central office ang MHPSS providers sa areas.
Gisugyot sab sumala pa sa DOH ground teams nga kinahanglan mohatag ug referral system ngadto sa mga indibidwal partikular na sa mga bakwit nga na-diagnose ug psychiatric disorders.
Gikanayon sab ni Dumama nga wala pa silay nadawat karon nga report dinhi sa Davao Region kalabot sa mga scammers nga migamit sa pangalan sa ahensiya aron nga mag-solicit ug salapi alang sa mga evacuees sa Marawi.
