DAVAO CITY – Gipasalig sa kanhi director sa Davao City Police Office (DCPO) Senior Superintendent Vicente Danao Jr. nga himuon niini ang tanan aron lamang mahuptan pag-ayo ang bag-ong katungdanan nga gihatag kaniya ni Pangulong Rodrigo Duterte.
Kahinumduman nga gituboy karon si Danao isip commander sa National Anti-Illegal Drug Task Force ilalom sa bag-ong gimugna nga Inter-Agency Committee on Illegal Drugs (ICAD).
Epektibo ang katungdanan sa opisyal human nga gipagula sa Pangulo ang mga appointment papers niining milabay nga adlaw.
Nasayran nga subay sa Executive Order No. 15, gilagdaan ni Duterte sa milabay nga Marso, kinahanglan nga siguruhon sa ICAD nga epektibo ang pagpahigayon sa anti-illegal drug operations ug sikupon ang mga high-value drug personalities ngadto na sa street-level peddlers ug users.”
Makig-alayon sab sumala pa ang maong komite sa Philippine Drug Enforcement Authority (PDEA) diin kinahanglan kini nga mohatag ug impormasyon direkta ngadto kang PDEA Director General Isidro Lapeña.
