DAVAO CITY – Wala’y puas ang gipahigayon nga pagpangandam sa Naval Forces Eastern Mindanao ang mga drill ug simulation exercises aron nga kasulayan ang ilang katakus sa counter terrorism Armed Forces of the Philippine (AFP) Eastern Mindanao Command (EMC).
Kini samtang gipatuman ang heightened alert status gumikan sa posibilidad nga ang lawless armed group molusad ug diversionary tactics sa ilang area of responsibility (AOR) taliwala sa mga report labot sa terrorist threats sa Palawan.
Nasayran gikan kang Major Ezra Balagtey, EMC Public Information Officer (PIO), nga ilang ipatuman ang hugtanon nga lakang ug joint operations aron nga kapugngan ang bisan unsa nga potential attack nga ilunsad sa mga terrorist.
Kini human nga mipatuman ug travel warning ang United States (US) ug ang United Kingdom (UK) ngadto sa ilang mga kababayan, uban sa pagpahimangno kanila sa paglikay kung mahimo nga makabiyahe sa mga popular nga mga tourist destinations sa Palawan ug uban pang mga dapit sa hadoul sa Puerto Princesa Underground River (PPUR) National Park human nga nakadawat ug kasaligan nga impormasyon sa pagpangatake sa mga terrorista kinsa nagpangita ug mamahimo nila nga makidnap.
Sumala kanila ang EMC hugtanon nga nakig-alayon sa mga law enforcement agencies, lakip na sa Philippine National Police, ug uban pa nga mga AFP units, ug local government units (LGUs) sa pagkompleto sa monitoring sa posible nga pagsulod sa teroristang grupo partikular na ang coastal ug land areas.
