DAVAO CITY – Nagngisi ang kadumalahan sa rebeldeng New People’s Army (NPA) labi na ang Regional Operations Command sa NPA sa pag-ugdaw sa manufacturing plants ug sa pag-ilog sa 39 ka mga nagkada-iya nga mga armas sa mga guardya niadtong Abril 29 sa kaadlawon.
Sa opesyal nga pahayag sa mga NPA pinaagi kang Regoberto Sanchez, tigpamaba sa Mirardo Arce Command, Southern Mindanao Operations Command, gitimbaya niya ang kalampusan sa First Pulang Bagani Battalion, gitawag niya kini nga silot ngadto sa mga Landlord nga mga Lorenzo gumikan sa wala pagtagad sa mga trabahante, ug sa pagkamkam sa dagkung luna sa mga kayuta-an, ug sa katungod sa mga lumad nga makatikad sa mga yutang kabilin.
Gipahayag sa mga rebeldeng NPA nga ang pinakaulahi nga taktikal offensive magsilbi nga pahimangno sa uban pa nga mga kompanya nga labihan ka daug-daugan sa mga kabus ug sa ilang mga trabahante.
