DAVAO CITY – Aprubado na si Davao City Mayor Inday Sara Duterte-Carpio ang executive order aron nga banhawon ang Davao City AIDS Council (DCAC) isip kabahin sa kampanya batok sa nagpadayon nga pagsaka sa sakit nga HIV ug sexually transmitted diseases cases.
Gikanayong ang AIDS Council langkuban sa mga representante gikan sa multi-sectoral organizations ug heads sa mga ahensiya sa lokal nga panggamhanan isip pagtamud sa mandato sa Art. VI, Sec. 1 sa Davao City Aids Ordinance of 2002.
Ang DCAC magsilbi nga advisory group sa executive branch samtang ang Sangguniang Panglungsod ang tahasan sa policy formulation, development, program conceptualization, planning ingon man monitoring aron makalikay sa STD, HIV, AIDS ug uban pang diseases.
Manguna sab ang DCAC sa mga ipahigayon nga awareness campaigns kalabot sa STI, HIV/AIDS prevention ingon man monitoring sa pagpatuman sa Republic Act 8504 (Philippine AIDS Prevention and Control Act 1998) ug uban pang polisiya ug balaud.
Magsilbi sab isip secretariat sa DCAC ang City Health Office (CHO) alang sa ipahigayon nga mga aktibidad. Magsilbi sab sila isip center of communication pinaagi sa pagdawat ug paghatag ug impormasyon gikan sa mga miyembro sa AIDS Council.
Gikanayong ang Davao City AIDS Council adunay kaugalingon nga personahe ingon man mga ekipo nga gikan sa pundo sa gobyerno o resources nga makatabang sa ilang mamahimong trabaho.
