DAVAO CITY – Padayon sumala pa ang pagsaka sa ihap sa mga nataptan sa Human Immunodeficiency Virus (HIV) dinhi sa dakbayan sa Davao kini subay sa gipahigayon nga city-wide HIV testing sa Department of Health.
Matud pa kang DOH Davao HIV-Aids Program Manager Maria Teresa Requillo nga ang nahisgutan nga programa kabahin sa pagpaningkamut sa ahensiya nga makunhuran ang stigma sa HIV-Aids testing.
Kabahin sa ilang program mao ang pagpakighinabi o pagpahigayon ug lecture sa mga tawo nga nataptan sa maong sakit. Sagad sa mga areas nga sagad nila nga bisitahon ang gilangkuban sa Tibungco ug Agdao.
Gipasabot ni Roquillo nga pinaagi sa testing, masayran sa health workers kung nataptan sa maong disease ang usa ka tawo ug kung kanus-a sugdan ang pagtambal niini.
Subay sa datus sa milabay nga Enero, nakatala matud pa ang ahensiya ug kinatibuk-ang 844 HIV cases sa tibuok nasud o pinakataas sa milabay nga mga katuigan.
