DAVAO CITY – Human ang gilagdaan nga kasabutan kalabot sa Interim joint ceasefire agreement tali sa gobyerno ug National Democratic Front (NDF), gibutyag sa Armed Forces of the Philippines nga padayon pa gihapon sila sa ilang opensiba ilabi na nga wala pa silay nadawat nga kamandoan gikan sa ilang buhatan nga i-undang ang ilang combat operations.
Matud pa kang Major Ezra Balagtey ang tigpamaba sa Eastmincom, wala pa silay nadawat nga kamandoan gikan sa ilang mga labaw hinungdan nga dili sab nila i-undang ang ilang mga operasyon aron nga ma-protektahan ang komunidad batok sa mga rebelde.
Pahayag ni Major Ezra Balagtey ang tigpamaba sa Eastmincom.
Hinuon gibutyag ni Task Force Davao (TFD) commander Colonel Erwin Bernard Neri nga gikonsidera nila ang nahisgutan nga kasabutan isip welcome development.
Nanawagan na lamang ang nahisgutan sa NDFP nga tumanon ang probisyon sa maong kasabutan.
Kahinumduman nga gilagdaan sa NDF ug gobyerno ang Interim Joint Ceasefire (IJC) atol sa nagpadayon nga hinabing pangkalinaw niining milabay nga adlaw sa Noordwijk, Netherlands.
Ang IJC agreement epektibo hangtud nga malagdaan ang permanent ceasefire agreement nga kabahin sa Comprehensive Agreement on End of Hostilities and Disposition of Forces (Final Peace Agreement).
