-- ADVERTISEMENT --
DAVAO CITY – Gisugdan na ang paghatag ug drug rehabilitation program sa mga illegal drug reformist sa dakbayan. Gi-una sa pag-rehabilitate ang mga drug dependents gikan sa tulo ka mga barangay sa dakbayan.
Labi na ang gikan sa 5-A, 6-A, ug Barangay 8-A diin dunay 35 ka mga drug users ug mgta drug pushers. Nanguna sa drug rehabilitation ang City Anti-Drug Council inubanan sa usa ka unibersidad.
Gawas sa drug rehab, gipailalum sab ang mga nahisgutan sa libre nga dental chaeck-up subay sa Kaduyog, Sagup Kinabuhi sa University of Immaculate Conception.
Nasayran gikan kang CADAC Program Director Ronald Revira nanginahanglan ug mga volunteer ang drug rehabilitation program sa dakbayan alang sa after care program niini.
