Davao City – Walo ka mga apo ni Pangulong Rodrigo Duterte ang mi-abot sa pinoy-anan sa pangulo sa Doña Luisa Subdivision, Ecoland, Davao City mga alas 2:00 kaganinang hapon aron nga ipadangat ang ilang pagtimbaya sa ilang Lolo Digong.
Ang mga mi-abot mao sila si Uno, ug Sabena mga anak ni Vice Mayor Paolo Duterte.
Sharkie, Stingray, ug Stone fish nga mga anak nila ni Davao City Mayor Inday Sara Duterte-Carpio ug duha ka mga anak ni Basti nga Isabela ug Yaer.
Nakalitan ang pangulo nga tulog pa sa dihang mi-abot ang iyang mga apo ug gitimbaya ug happy birthday.
Tibuok adlaw nga nagpabilin sa iyang balay si pangulong Duterte.
Wala’y engrande nga salo-salo pinasikad sa pahayag sa presidente nga mamahimong simple lamang ang selebrasyon sa iyang 72nd birthday.
Makita sa kuha sa mga hulagway ang simple nga lawak sa pangulo diin mi-abot ang iyang mga apo.
