DAVAO CITY – Gisaway sa mga progresibong grupo ang 10th Infantry Division sa Philippine Army human ang gikanayong bahad ug pagpanghasi sa mga sakop sa militar ngadto sa mga sibilyan sa Palma Gil Barangay Talaingod, Davao del Norte.
Matud pa kang Save Our Schools (SOS) Network spokesperson Rius Valle nga usa sa bag-ohay pa lamang nga insidente nga pagpanghasi mao ang gidangatan ni Salugpongan Community Learning Center head Ronie Garcia.
Gikanayong padulong si Garcia sa tulonghaan aron nga motambong sa moving up ceremony sa milabay nga biyernes kauban ang iyang grupo dihang gibabagan sumala pa sa gikanayong mga “plain-clothes soldiers” sa may Sto. Niñosa nahisgutan nga lugar.
Gipangutana sumala pa ang nahisgutan kung kabahin kini sa contingent apan mibalibad sumala pa ang grupo kini aron malikayan nga dili mahilakip ang school director sa interogasyon.
Gikanayon sab ni Bayan Muna Southern Mindanao Secretary General Sheena Duazo ug Tony Salubre sa grupo sa mga mag-uuma, nga gimonitor matud pa sila sa gikanayong mga intelligence officers kalabot sa ilang mga aktibidad.
Apan gikanayon ni 10th Infantry Division spokesperson Rhyan Batchar, nga wala sumala pa silay nadawat nga reklamo sa mga pasangil sa tulo ka mga leaders sa progresibong grupo apan gipasalig sa nahisgutan nga ila kining subayon.
Gi-awhag sab sa nahisgutan ang mga nahisgutan nga kung gipanghasi man sila, moduso ug kini ug reklamo sa local government units, police stations ug military units aron nga patas ug ila gilayon kini nga maaksiyonan.
