DAVAO CITY – Suportado sa Davao City Tourism Office (CTO) ang tinuig nga summer campaign sa regional office sa Department of Tourism (DOT).
Matud pa kang CTO Head Generose Tecson inay nga momugna ug lain nga set sa aktibidad ug programa aron nga i-promotar ang siyudad isipideal tourist destination karung summer, mas gipalig-on nila karon ang partisipasyon sa 4th Visit Davao Fun Sale (VDFS) sa DOT diin ipakita niini ang mga nindot nga lugar sa siyudad.
Pinaagi sumala pa sa VDFS nga magsugod sa Abril 16 hangtud Mayo 31, mapakita niini ang mga discounted offerings sa pamasahe sa eroplano, accommodations, tours, dining, shopping, beauty, wellness sports ug daghanan pa nga makapaawhag sa mga langyaw ug local tourist nga buot masinatian ang tanan nga mga aktibidad nga gitanyag sa siyudad.
Panigurado sab sumala pa nga pili-on sa mga adventure-seeker ug travelers ang Davao isip ilang destinasyon karung summer.
Una ng gibutyag ni Tecson nga dili pa nila mahatag ang kompletong datus sa mga tourist arrivals karung bulana apan naglaom sila nga makab-ot ang target ilabi na nga ubay-ubay sumala pa ang mobisita sa siyudad sa milabay nga kasaulogan sa Araw ng Dabaw.
