-- ADVERTISEMENT --
DAVAO CITY – Sugdan na karung adlawa hangtud Marso 15 ang pag-release sa mga identification cards sa mga taxi drivers nga mitambong sa seminars sa milabay nga semana.
Matud pa kang Davao City Transportation and Traffic Management Office Head retired Senior Superintendent Dionesio Abude nga ang nahisgutan nga IDs sa taxi drivers ihatag lamang sa 2,000 ka mga misalmut sa seminar kaniadtong milabay nga semana sa Almendras Gym.
Kahinumduman nga kabahin sa maong seminar ang subling pagpahinumom sa mga drivers sa provisions sa Comprehensive Transport and Traffic Code sa dakbayan o City ordinance 778 nga gilangkuban sa anti-jaywalking law ug daghanan pa.
