DAVAO CITY – Nakatala ang Office of the Ombudsman Mindanao ug 63 ka mga public officials nga napasakahan ug kaso sulod karung bulana.
Subay sa data gikan sa ahensiya, siyam sa nahisgutan nga ihap ang mga high-ranking officials (HROs) samtang 54 ang low-ranking officials (LROs).
Sa 63 ka mga officials, 42 ang nag-atubang ug dismissal sa serbisyo, usa ang suspendido sulod sa unom ka bulan, 16 ang nasuspendi ug ubos sa six months ug upat ang reprimanded.
Nasayran kang Deputy Ombudsman for Mindanao Atty. Rodolfo Elman sagad sa mga napasakahan ang gilangkuban sa municipal mayor, city mayor, vice-mayor, governor ug vice-governor, councilors, ug daghanan pa.
Sagad sa reklamo nga maduso sa mga opisyal mao ang Anti-Graft Corrupt Practices Act, grave misconduct, malversation, abuse of their authority, ug daghanan pa.
Sa milabay nga tuig anaa sa 225 ka mga HROs ug LROs ang napakasahan sa ombudsman.
Nakakolekta sab ang ahensiya ug P3,314,284.67 gikan sa mga officials nga nag-atubang ug kaso sa milabay nga tuig.
