DAVAO CITY – Patay ang usa ka suspected drug pusher human nga subling naglusad ug buy-bust operation ang Philippine Drug Enforcement Agency (PDEA) dapit sa Lower Lobogan, Toril.
Naila ang napatay nga usa ka Jun Canoy nga gika-ingong notoryos nga drug pusher nga mipakita ug pagsukol ngadto sa mga tinugyanan sa balaod sa dihang gisulod sa mga operatiba sa iyang pinoy-anan sa Purok 8, Pagkakaisa, Lower Lubogan, Toril, ning siudad.
Na-recover gikan sa suspek ang upat ka mga sachet sa gituohang shabu ug armas, samtang nadakpan sab sa Task Force Davao ug sa Bunawan Police ang usa ka Fredie Mabaol, 48 anyos, human nga nakuha-an ug usa ka sachet sa shabu sa checkpoint sa Barangay Licanan.
Kasong paglapas sa Republic Act 9165 o Comprehensive Dangerous Drug Act of 2002 ang atubangon sa dinakpan.
