DAVAO CITY – Gilauman nga sulod sa saisenta ka mga adlaw ang tulo ka mga panel ug prosecutors makapagula na sa ilang rekomendasyon human mihimo ug pagpanubay kalabot kang self-confessed hitman Edgar Matobato.
Ang panel of prosecutors sa Ombudsman mohimo ug personal nga pagpanubay kang Matobato.
Kahinumduman nga gikatakda na ang pagdungog sa kasong kidnap for ransom ubos sa revised penal code batok kang Matobato nga mao ang gitudlo nga reponsabli sa pagdagit ug pagpatay sa negosyanteng langyaw nga si Sali Makdum pipila ka tuig na ang nakalabay.
Sayo niining semanaha giduso ni Atty. Jude Josue Sabio, legal counsel ni Matobato ang ikaduha nga supplemental motion.
Ang motion to quash information ug ang pagpugong sa pagpagula sa warrant of arrest sa Regional Trial Court Branch 4.
Gikatakda ang pagtdungog sa nahisgutan nga motion sa buntag karong Pebrero 23. Malaumon ang kampo ni Edgar Matobato nga mamahimong paborable kanila ang giduso nga reklamo nga giduso sa Ombudsman, diin gi-reklamo niini ang baynte uno ka mga police sa dakbayan ug si pangulong Rodrigo Duterte nga gika-ingong nahilambigit sa extra judicial killings.
