DAVAO CITY – Gitaktak sa Office of the Ombudsman in Mindanao (OMB-Min) sa katungdanan ang usa kabarangay captain ug magtutudlo sa pampublikong tulonghaan human nga sad-an kini sa salaud nga ilang nahimo tungod sa rape ug sexual molestation.
Una ng gimando ni Deputy Ombudsman for Mindanao Rodolfo Elman ang pagtaktak sa serbisyo ni barangay captain Achilles Jude Babaran sa Pagatpat, Cagayan de Oro City ug Genaro Caballero, magtutudlo sa Bagumbayan National High School (BNHS) sa Bagumbayan, Sultan Kudarat. Gipapahawa si Babaran human ang reklamo sa 15 anyos nga estudyanteng babaye nga milugod kaniya sulod sa duruha ka higayon.
Nahitabo ang insidente kaniadtong June 19 2015 ug nasundan sumala pa kini kaniadtong Sept. 22 2015.
Lig-on ang nahimong basehan sa gipagulang resolusyon ni Elman aron nga pasakahan ug kaso ang nahisgutan.
Samtang gipasakahan sab ug kaso si Caballero human nga gimolestiya sab niini ang usa ka 16 nga batang lalaki sulod sa duruha ka higayon.
Unang insidente nahitabo sa ikaduhang semana sa Disyembre 2015 ug nasundan kini sa ulahing semana sa Pebrero 2016.
Subay sa desisyon ni Elman, nga ang gihimo sa barangay kapitan nga pagpangmolestiya sulod sa duruha ka higayon ingon man sa laing akusado nga gihimo ang krimen sulod sa school premises usa ka tin-aw nga kalapasan sa Republic Act 7877 (Anti-Sexual Harassment Act of 1995).
