DAVAO CITY – Nadakpan pasado alas singko kagahapon sa hapon sa usa ka Park ranger ang usa ka 16 anyos nga si Alias Cris John, estudyante ug residente sa Ubalde Agdao ning dakbayan sa Davao human nga nakuhaan kini ug pinauga nga dahon sa marijuana.
Matud pa sa Park range nga si Nathaniel Bañez pasulod na unta sa People’s Park ang minor de edad ug dihang ila kining gihiling, nakuha sa posisyon niini ang usa ka papel nga gi-undan sa pinaugang dahon sa marijuana.
Paspas sab nga miikyas ang kaubanan sa dinakpan nga si alyas Baloy.
Gi-endorso gilayon ang dinakpan ngadto sa otoridad.
Samtang sa pikas nga bahin, sikop sa kapulisan pasado alas otso kagabii sa mga sakop sa San Pedro Police Station ang pito ka mga kalalakin-an nga nalambigit sa illegal numbers game o mas naila nga lasto sa gipahigayon nga operasyon sa Baryo Pogi, Brgy.34-D ning dakbayan sa Davao.
Tipik lamang kini sa mas gipahugtan nga kampanya sa kapulisan batok illegal gambling.
Susama karon nga balhug sa presohan ang mga dinakpan.
