DAVAO CITY – Nakadayeg si City Councilor Jimmy Dureza sa mga sakop sa kapulisan gumikan kay gihimo niini ang ilang trabaho batok sa mga nakahimo ug kalapasan sa balaud.
Kahinumduman nga kini ang nahimong pahayag sa opisyal human nga nadakpan sa mga tinugyanan sa balaud ang iyang pagumangkon kinsa nalambigit sa ginadili nga droga atol sa gilusad nga drug buy bust operation sa PDEA sa Catalunan Pequeño ning dakbayan sa Davao.
Ang dinakpan anak sa iyang igsuon nga si Jerry Dureza. Bisan nga mihatud ug kaulaw sa ilang pamilya ang pagkasikop sa iyang pagumangkon nga si John Paul Dureza, wala sumala pa silay mahimo sanglit nakahimo kini ug salaud.
Una ng nasayran sa opisyal nga gitambagan na niya kaniadto ang iyang pagumangkon ilabi na nga hugot ang kampanya niini ni Pangulong Rodrigo Duterte.
