DAVAO CITY – Subli karon nga nanawagan ang kagahamnan ngadto sa mga New People’s Army (NPA) nga mubalik na sa sabakan sa balaud.
Kini human nga laing duha ka mga miyembro ang boluntaryong mitahan sa mga tinugyanon sa balaod sa Davao Oriental.
Giila pinaagi ni Captain Rhyan Batchar, tigpamaba sa Philippine Army’s 10th Infantry Division (ID) nga sila si Rose, 17 ug Joy, 20, nga susamang miyambro sa NPA Guerilla Front 15.
Sumala pa ni Batchar nga misurender ang duha ka rebelde sa kasundalohan sa 67th Infantry Battalion (IB).
Kini sumala pa nahitabo human sa pakighinabi sa tropa sa kagamhanan ngadto sa 150 ka mga pamilya kinsa temporaryong nanimuyo sa Caraga Municipal Gymnasium.
Dugang pa ni Batchar nga miabot na sa 10 ka mga NPA ang misurender sukad nga gibakwi sa kagamhanana ang ceasefire.
